Ҡабат тапшырылған БДИ һөҙөмтәләре билдәле булды

Йәмғиәтте өйрәнеү, информатика, рус теле һәм профилле математика фәндәре ҡабатлап тапшырыусылар араһында бигерәк тә популяр булған.

Рәсәйҙә йәмғеһе 135 496 кеше имтиханды ҡабатлап тапшырған (былтыр – 107 136). Шуларҙан 233 кеше 100 балл алыуға өлгәшкән. 9,2 проценттың һөҙөмтәһе үҙгәрешһеҙ ҡалған. Ҡалғандарҙың балдары кәмегән, уларҙың яртыһынан күберәге былай ҙа минималь кимәлдән үтмәгән булған.

Өфөлә 5 бала имтиханды ҡабат тапшырыу һөҙөмтәһендә 100 балл алған.

Сығанаҡ: Башинформ.