ИРЕКМӘНЛЕК. Ауырғазы районы ҡыҙы Клара Ефимоваға өлкәндәр рәхмәт әйтә

Ауырғазы районы Новофедоровка ауылынан 5-се синыф уҡыусыһы Клара Ефимова – әүҙем ирекмән. Ул райондың Миңнеғәли Шайморатов исемендәге ирекмәндәр штабына йыш килә. Клара маскировка селтәрҙәре үрә, был селтәрҙәр өсөн таҫмалар киҫә, окоп шәмдәрен эшләүҙә ярҙамлаша.

Клара – бик ярҙамсыл, бик ихлас ҡыҙ. Шундай изге күңелле итеп тәрбиәләгәндәре өсөн республиканың Шайморатов исемендәге ирекмәндәр штабы етәкселәре уның ата-әсәһенә оло рәхмәтен еткерә һәм нурлы кәйеф, һәр эшендә уңыштар, изгелегенең меңләтә артып үҙенә ҡайтыуын теләй.

ФОТО: М. Шайморатов исемендәге республика ирекмәнлек штабы / телеграм-канал.