Яҡутстанда ла Йылҡысы көнөн билдәләйбеҙ

– Фестиваль миңә ныҡ тәьҫир итте. Аттарҙың күплегенә аптыраным да, һоҡландым да. Башҡорт далаларының киңлеге, әлбиттә, ошондай ҙур байрам ойошторорға мөмкинлек бирә. Яҡуттар өсөн дә ат – изге хайуан. Беҙҙә йылҡысылыҡ киң таралған, мал һаны йылдан-йыл арта. Йылҡысылыҡ буйынса күп мәктәптәр асыла, уҡыу унда ете йәштән алып барыла. Күп кенә ауыл биләмәләрендә һыбай йөрөргә өйрәтеү менән шөғөлләнәләр. - тине Ольга ханым. – Беҙҙең республика Башлығы тарафынан булдырылған Йылҡысы көнөн билдәләү яҡшы йолаға әүерелгән. Унда шулай уҡ төрлө ярыштар, ат сабыштары үтә. Әммә "Башҡорт аты" үҙенең масштабы менән минең иҫемде китерҙе.