Нимә ашағы килә ул?

Нимә ашағың килгәнен белһәң, нимә етмәгәне лә асыҡлана:

Балыҡ ашағың килһә – организмға омега-3 майлы кислоталар, Е витамины, йод етмәй.

Цитрус емештәр – көслө стресс кисерелгән, витамин С кәрәк.

Ит – L-триптофан аминокислотаһы етешмәй. Ул дофамин менән серотонин эшләүҙә ҡатнаша.

Сәтләүек, ҡуҙаҡлылар – аҡһымға ҡытлыҡ кисерелә.

Диңгеҙ аҙыҡтары, креветка – йод етмәй.

Әфлисун кеүек ҡыҙыл-һары аҙыҡтар – йәшерен депрессия бара, организм ялға, кәйефте яҡшыртыуға мохтаж.

Ҡыҙыл алма, помидор, ҡыҙыл татлы борос – тимер етешмәй.

Йәшел тәмләткестәр – тынғы, гармония, һиллек кәрәк.

Фото: Пиксабай.