"Аманат" журналын алдыҡ

Ауырғазы районы Рәшит Назаров исемендәге Талбазы башҡорт гимназияһының 2-се синыф уҡыусыһы ЙӘЛИЛОВ Асҡар ебәргән фотоһүрәт  "Аманат" журналын алдыҡ" тип атала. 
Күрәһегеҙме, бөтә уҡыусылар ҙа беҙҙең журналды тотҡан!
Афарин, балалар!
Һеҙҙең белемле, ҡыҙыҡһыныусан, әүҙем балалар булып үҫеүегеҙ өсөн көсөн дә, ваҡытын да йәлләмәгән уҡытыусығыҙ Айгөл Сатлыҡоваға ҙур рәхмәт! Ул һәр саҡ уҡыусыларының ижадын дәртләндереп, беҙҙең конкурстарҙа ҡатнашыуҙарын хәстәрләп тора.
Шулай итеп, журналыбыҙҙы уҡыусылар араһында иң әүҙемдәр Талбазыла йәшәй. Был гимназияның башҡа синыфтары уҡыусылары ла эштәрен ебәреп тора. Һәммәгеҙгә рәхмәт. Киләһе ярты йыллыҡҡа ла журналыбыҙға  берҙәм яҙылырһығыҙ,  конкурстарыбыҙҙа һәр саҡ ҡатнашып торорһоғоҙ, тигән өмөттә ҡалабыҙ.

"Аманат"тар.

#Аманат_конкурстар  #күҙ_менән_ҡаш_араһы