"Күҙ менән ҡаш араһы" фотоконкурсына йомғаҡ яһалды (2025, октябрь-декабрь)

Тәүге урындарҙың өсөһөн дә Бөрйән районы Байназар мәктәбе уҡыусылары алды! Бына улар:

1-се урын, 355 тауыш – ӘЛИБАЕВ Нур

2-се урын, 285 тауыш – НУРҒӘЛИНА Илүзә

3-сө урын, 267 тауыш – ИСМӘҒИЛЕВА Динә.

Афарин, байназарҙар!

Фотоһүрәттәр бәйгеһендә был мәктәптән башҡа уҡыусылар ҙа ҡатнашты һәм күбеһе байтаҡ тауыш йыйып өлгөрҙө.

Һәр ваҡыт шулай әүҙем һәм тәүәккәл булығыҙ!

Башҡа райондар, мәктәптәр уҡыусылары, бөрйәндәрҙән өлгө алығыҙ.

Ауырғазы районы Рәшит Назаров исемендәге башҡорт гимназияһына ла рәхмәт һүҙҙәрен еткерге килә. Был гимназияның башланғыс синыфтар уҡытыусылары үҙ уҡыусыларының эштәрен даими ебәреп тора.

Конкурста ҡатнашыусыларҙың һәммәһенә ҙур рәхмәт! Яңы йылда яңы уңыштар һеҙгә! Яңы эштәрегеҙҙе көтөп ҡалабыҙ.