Баҡсала мускари сәскә ата

Бөрйән районы Байназар ауылынан ҠАРАҒОЛОВА Наҙгөлдөң фотоларында – мускари тигән сәскә.

Мускари тигән атама  – латинсанан (Muscári).  Боронғо гректар был сәскәнең еҫе мисек (руссаһы – мускус) еҫенә оҡшағанға шундай атама биргән.

Мисек – ҡайһы бер йәнлектәрҙең биҙҙәрендә, ҡайһы бер үҫемлектәрҙең тамырында йәки орлоғонда булған хуш еҫле матдә.

Был сәскәне сысҡан сөмбөлө (русса – мышиный гиацинт) тип тә йөрөтәләр. Сәскәһе сөмбөл сәскәһенә оҡшаған, тик күпкә бәләкәй.

Төрөктәр был сәскәне dağ sümbülü  (тау сөмбөлө) йәки аrap sümbülü (ғәрәп сөмбөлө) тип йөрөтә. Азербайжандар İlansoğanı , йәғни йылан һуғаны ти.

#Аманат_конкурстар#күҙ_менән_ҡаш_араһы