Каникулым күңелле үтә

Ҡышҡы каникулды күңелле башлап ебәрҙек. Ярты йыллыҡ уҡыуҙы гел "5" билдәләренә генә тамамлап, район хакимиәте ёлкаһына барып, Ҡыш Бабай күстәнәсен алып ҡыуанып ҡайттым.

Үҙ мәктәбебеҙҙә үткән ёлка кисәһенә 9-сы синыфтан һуң бүтән уҡыу йортона инеп уҡып йөрөгән студенттарыбыҙ беҙҙе һағынып ҡайтҡан ине. Улар менән дә күрештек.

«Аманат»лыларҙы байрам менән ҡотлайым, эшегеҙҙә уңыштар теләйем. Мин дә яратҡан журналыма тотош 2026 йылға яҙылып ҡуйҙым.

Ҡыштың матур көндәрендә әсәйем менән тәбиғәт ҡосағына сығып, саңғыла шыуып, тирә-яҡтың йәменә һоҡланып, саф һауала ял итеп ҡайттыҡ.

СӨЛӘЙМӘНОВА Элиза,
Ейәнсура районы Башҡорт Үргене ауылы.