ХАТ-ХӘБӘР. Ағиҙел буйлап аҡтыҡ

Йәйге каникулдың бер көнөндә мин туғандарым менән һалда ағыуға төштөм. Мин ике һеңлем менән бергә – кәмәлә, башҡалар сапта булды.

Мораҙымдың башынан Оло Ҡужанға тиклем  юлыбыҙ бик  күңелле булды,  шаяртышып, көлөшөп барҙыҡ. Ҡайһы берҙә ағайҙар менән алмашышып, улар – кәмәлә, беҙ сапта аҡтыҡ.

Тәбиғәт бик матур! Бейек ҡаялар, шишмәләр сылтырап аға. Оло Ҡужанға барып еткәс,  бер шәп ағышлы ерҙә саҡ-саҡ туҡтаныҡ. Туҡтағас, ағайҙар кәмәне алып Байназарға тиклем аҡты.

Миңә бик ныҡ оҡшаны Ағиҙел буйлап сәйәхәт итеү! Ә һеҙҙең йәйегеҙ нисек үтте?

ХИСАМЕТДИНОВА Фирүзә,

Бөрйән районы.