ХАТ-ХӘБӘР. Йәрминкәлә ҡатнаштыҡ

Өфө ҡалаһының Дим паркында Халыҡтар берҙәмлеге йылына арналған көҙгө йәрминкә үтте.

Ниндәй генә милләт вәкилдәре йыйылмаған ине унда, ә өҫтәлдәр милли аш-һыуҙан һығылып торҙо. Башҡорт бишмармағы, ҡымыҙы, тултырма, сәк-сәк, үзбәк былауы, тағы ла төрлө милләттәрҙең хашлама, бун-ча, лывжа кеүек милли ризыҡтарын бешереп алып килгәндәр.

Беҙҙең синыфҡа башҡорт милләтен күрһәтеү эләкте. Беҙ бик ныҡ тырыштыҡ һәм тырышлығыбыҙ бушҡа китмәне – 1-се урынды алып ҡыуандыҡ.

Йәрминкәлә берәүҙәр һатты, берәүҙәр алды, һуңынан барыһы ла яҡшы кәйеф менән таралышты.

КӨМӨШБАЕВА Азалия,

Рауил Бикбаев исемендәге 102-се башҡорт гимназияһының

6-сы синыф уҡыусыһы.