8 Март – Халыҡ-ара ҡатын ҡыҙҙар көнө уңайынан «Бәйләнештә» селтәрендәге төркөмөбөҙҙә конкурс иғлан иткән инек.
Ҡатнашыу өсөн әсәй, өләсәйҙәр темаһына шиғыр, хикәйә, әкиәт ижад итеп, йәки мәҡәлә яҙып, #ӘсәйемдеҠотлайымАманат хештегы аҫтында үҙегеҙҙең диуарығыҙҙа йә булмаһа беҙҙең төркөмдә урынлаштырырға кәрәк ине. Бүләккә йәш этнодизайнер Иҙел Хәкимовтың мини селтәре һәм Рәхмәт кәлимәһе Ишембай ҡалаһының Ә. Вәлиди исемендәге 2-се башҡорт гимназия-интернаты уҡыусыһы Юлай Йәнбирҙинға тапшырыла. Рәхмәт кәлимәһе менән Өфө ҡалаһының 94-се лицейының 5"Д" синыф уҡыусыһы Әминова Азалия, Бүздәк районының Ҡаран мәктәбенең 6-сы синыф уҡыусыһы Розалина Ялалова, Туймазы районының Серафимов ауылының 2 "Б" синыфы уҡыусыһы Тамерлан Зарипов бүләкләнә. Ҡотлайбыҙ һеҙҙе, дуҫтар!