ИҒТИБАР! ӨР-ЯҢЫ КОНКУРС!

Ҡәҙерле балалар, хөрмәтле уҡытыусылар, ата-әсәләр! Белем көнөндә  “Аманат” журналы редакцияһы “Минең уҡытыусым” тигән өр-яңы фотоконкурс иғлан итә.

“Аманат” журналы йыл һайын,  5 октябрь – Халыҡ-ара уҡытыусылар көнөнә арнап, ВК төркөмөндә “Минең уҡытыусым” конкурсын  үткәрә. Быйыл да ошо традициябыҙға тоғро ҡалабыҙ.

2026 йылғы конкурста ҡатнашыу өсөн уҡытыусығыҙ менән төшкән фотоғыҙҙы “Аманат” тың vk.ru/amanatrb төркөмөнә йә amanat@yandex.ru электрон почтаһына 10 сентябргә тиклем ебәреүегеҙҙе һорайбыҙ.

Фотоның аҫтына исем-шәрифегеҙҙе, ҡала, район, ауыл, мәктәпте тулы итеп яҙырға онотмағыҙ.

11–21 сентябрҙә фотоларға тауыш биреү барасаҡ.

ИҢ КҮП ЛАЙЫҠ ЙЫЙҒАН ӨС ФОТО ЕҢЕҮ ЯУЛАЯСАҠ!

Еңеүселәрҙе “Аманат” журналының Маҡтау хаттары, иҫтәлекле бүләктәр көтә.

Беренсе өс урынға – бер кәрзин йомшаҡ уйынсыҡтар һәм тәмлекәстәр.

10 баланы Хәрби дан музейына (Өфө ҡалаһы, Комаров урамы, 7-се  йорт) икешәр кешелек саҡырыу билеттары көтә.

Дуҫтар, барығыҙҙы ла конкурста әүҙем ҡатнашырға саҡырабыҙ! Оло хөрмәткә лайыҡ иң изге кешеләребеҙ – Уҡытыусыларыбыҙҙы – билдәле итәйек.

Башланып торған яңы уҡыу йылы менән барығыҙҙы ла ҡайнар ҡотлайбыҙ! Һеҙгә уңыштар, ныҡлы һаулыҡ, яңы үрҙәр теләп,

“Аманат” журналы редакцияһы.

Фото: "Аманат" журналы / ВК.