Башҡортостан журналистары һәм блогерҙарын “СМИротворец” конкурсы саҡыра

XVIII “СМИротворец” Бөтә Рәсәй конкурсында ҡатнашырға теләүселәр 20 сентябргә тиклем  ғариза бирә ала. Конкурс милләт-ара һәм этноконфессиональ мөнәсәбәттәрҙе яҡтыртыуға бағышлана һәм Рәсәйҙәге Халыҡтар дуҫлығы йылы программаһына инә.

Конкурста журналистар һәм блогерҙар ҡатнаша.

Ете номинация тәҡдим ителә: «Телевидение», «Матбуғат», «Интернет», «ЭТНОтауыш» (аудиоформаттар), «Балалар һәм үҫмерҙәр киң мәғлүмәт саралары» һәм «Халыҡтар берҙәмлеге». Блогерҙарҙы «Блогтар» тигән номинацияла айырым билдәләйәсәктәр.

Конкурсҡа 2025 йылдың 1 авгусынан 2026 йылдың 1 авгусына тиклем донъя күргән эштәр ҡабул ителә. Ғариза биреү – бында: https://concours.nazaccent.ru/.  Еңеүселәр ноябрҙә Мәскәүҙә иғлан ителәсәк.

Конкурсты Милләттәр эштәре буйынса федераль агентлыҡ һәм Этнос-ара журналистика гильдияһы үткәрә.

Фото: конкурстың ойоштороу комитеты.

Сығанаҡ: Молодежная газета.