+12 °С
Ямғыр
Бөтә яңылыҡтар
Яңылыҡтар
4 Июнь 2020, 17:51
Башҡортостан мәктәптәре яйлап берҙәм мәктәп формаһына күсә башлай
1 сентябрҙән Башҡортостандың дүрт районындағы мәктәптәр берҙәм мәктәп формаһына күсә. Төбәктең Мәғариф министрлығы ата-әсәләргә балаларҙың кейем размерын ҡарап, мәктәпкә хәбәр итергә саҡыра.
1 сентябрҙән Әбйәлил, Благовар, Федоровка һәм Яңауыл райондарында 1-5 синыф уҡыусылары уҡыуға берҙәм мәктәп формаһында йөрөй башлаясаҡ. Был райондар пилот проекты булараҡ алынған.
Малайҙар һәм ҡыҙҙар өсөн мәктәп формаһы коллекцияһын Башҡортостандың Еңел сәнәғәт ассоциацияһы менән Өфө дәүләт нефть-техник университеты тәҡдим итә. Был кейемдәр балаларҙың йәшенә, һауа торошона нигеҙләнеп тегелә. Сифатлы ла, хаҡы ла әллә ни юғары булмаясаҡ, тип вәғәҙәләйҙәр.
Форманың үҙенсәлеге шунда - республика символикаһы менән мәктәптең гербы төшөрөлгән шеврон менән биҙәләсәк.
Башҡортостандың Мәғариф һәм фән министрлығы ата-әсәләргә балаларҙың кейем размерын ҡарап, мәктәпкә хәбәр итергә саҡыра. Кейемде теккәндә етештереүсе баланың йәй айҙарында үҫеүен күҙ уңында тотасаҡ.
Ата-әсәләр мәктәп формаһының оҡшаған моделдәрен ошо һылтанма аша инеп, һайлай ала.
Йәй айҙарында үрҙә һаналып үтелгән райондарҙа мәктәп формаһы коллекцияһын күрһәтеү ойошторола. Унда ата-әсәләр үҙ күҙҙәре менән кейем-һалымдың сифаты, тегелеше менән танышасаҡ.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05