Борайҙа мини-футбол ярышы үтте

Турнирҙа Борай ауылының 1-се, 3-сө мәктәптәре һәм 2-се гимназияһы уҡыусылары ҡатнашты. Улар әҙерлекле булыуын раҫланы һәм оҫта уйын күрһәтте.

Ярышта 1-се мәктәп командаһы беренселекте яуланы.

“Муниципаль этап еңеүсеһе булған командалар киләһе йылдың ғинуарында республика ярыштарында район намыҫын яҡлаясаҡ. Был ярыштар – һеҙҙең спорт юлығыҙҙың башы ғына. Өлгәшелгәндәрҙә туҡтап ҡалмауығыҙҙы һәм яңы үрҙәр яулауығыҙҙы теләйбеҙ!” – тине Борайҙың балалар-үҫмерҙәр спорт мәктәбе директоры урынбаҫары Эльвира Хәлилова.

Турнир “Рәсәй спорты” дәүләт программаһы маҡсаттарына ярашлы булған “Футбол мәктәптә!” дөйөм Рәсәй проекты сиктәрендә ойошторолдо.

Сығанаҡ: Борай район хакимиәте.

#спорт #спорт_культура #физкультура