Башҡортостан каратесыһы Европа беренселегендә көмөш миҙал яулаған

Кипрҙа үткән карате буйынса Европа беренселегендә Башҡортостан каратесыһы Эмиль Әлмөхәмәтов көмөш миҙал яулаған.

Чемпионатта 47 илдән 1200-ҙән ашыу спортсы ҡатнашҡан.

Эмиль 63 килограмға тиклем ауырлыҡ үлсәмендә сығыш яһаған  һәм Италия спортсыһынан 3:4 иҫәбенә отолған.

Эмиль 2025 йылдың декабрендә үткән Рәсәй беренселегендә 14–15 йәшлек үҫмерҙәр төркөмөндә, 63 килограмға тиклем ауырлыҡ үлсәмендә 1-се урынды яулағайны. Һөҙөмтәлә Европа чемпионатына путевка алғайны.

Фото: Башҡортостан Спорт министрлығы / телеграм-канал

Сығанаҡ: Башинформ.