Наро-Фоминскиҙа грэпплингтың "ГИ" һәм "НО-ГИ" бүлектәре буйынса Бөтә Рәсәй беренселеге үткән. Дүрт көн барған ярышта Башҡортостан көрәшселәре 43 миҙал алған.
Беҙҙең йыйылма команда "ГИ" өлөшөндә дөйөм команда иҫәбендә беренсе булған, ә "НО-ГИ" ярышында өсөнсө урынды алған.
Шулай итеп, 24 спортсыбыҙ Европа беренселегенә барасаҡ. Турнир май айында Әрмәнстанда үтәсәк.
Фото: Башҡортостан Спорт министрлығы/матбуғат хеҙмәте.
Сығанаҡ: Башинформ.