Алтын һәм көмөш миҙалдар – Башҡортостан рапирасыларыныҡы

Фехтование буйынса Рәсәй халыҡтары Спартакиадаһының рапирасылар ярышында  тәүге ике урынды Башҡортостан командалары алды.

Алтын миҙаллылар командаһында – Владислав Журавлёв, Әмир Фәхретдинов, Ростислав Хамдамов һәм Дәүләт Хәйретдинов. Көмөш миҙал яулаған командала –  Егор Баранников, Искәндәр Булатов, Валерий Корнилов һәм Тимур Сафин.

Башҡортостан Башлығы Радий Хәбиров социаль селтәрҙәрҙәге посында спортсыларыбыҙҙы шәп еңеү менән ҡотлаған.

“Бөтә егеттәр ҙә – Өфө Фехтование үҙәге тәрбиәләнеүселәре, уларҙың остаздары – Рәсәйҙең атҡаҙанған тренеры Лира Грушина менән Тимур Арыҫланов. Улар тағы бер тапҡыр раҫланы: беҙҙең фехтование мәктәбе – илдә иң көслөләрҙең береһе. Ғорурланабыҙ!” – тип яҙа Радий Хәбиров.

Фото: Илшат Әхмәтов / Башинформ.

***

“Аманат” – MAКС-та  max.ru/amanatrb