Башҡортостан Башлығы Полина Дмитриеваға награда тапшырҙы

Бөгөн республика Хөкүмәтенең оператив кәңәшмәһендә Башҡортостан Башлығы Радий Хәбиров Европа беренселегенән 5 миҙал алып ҡайтҡан спорт гимнасткаһы 14 йәшлек Полина Дмитриеваға һәм уның тренеры Елена Кайгуловаға наградалар тапшырҙы.

Полина – БР Башлығы Рәхмәтенә,  Елена Сергеевна Башҡортостан Республикаһының Почет грамотаһына лайыҡ булды.

Радий Хәбиров гимнастканы тәрбиәләп үҫтергән ата-әсәгә – Антонина менән Юрий Дмитриевҡа рәхмәт белдерҙе.

Фото: Хөкүмәт кәңәшмәһе трансляцияһынан скрин-шот / Башинформ.