"Шаҡай һылыуы" исемен быйыл Алтынай Ғәлләмитдинова яуланы. Ул үҙенең хатында былай тип яҙған: “Мин хозур тәбиғәтле Бөрйән районы Иҫке Собханғол ауылында тыуып үҫтем. Әлеге ваҡытта 2-се синыфта белем алам. Уҡыуҙа һынатмаҫҡа тырышам. Буш ваҡыттарҙа китап уҡырға, бейергә һәм йырларға яратам. Район, республика кимәлдәрендәге конкурстарҙа ҡатнашып, призлы урындар яулайым. Еңеүҙәрем миңә ҡанат ҡуя!”