Башҡорт теле көнөнә арналған конкурсыбыҙҙы башлайбыҙ!
“Аманат” Республика балалар-үҫмерҙәр журналы Башҡорт теле көнөнә арналған «Телем – затлы хазинам» конкурсы иғлан итә.
Башҡорт теле тураһында Башҡортостан шағирҙарының йәки үҙегеҙ ижад иткән, шиғырҙарҙы яттан тасуири һөйләгән видеояҙмаларҙы, шиғыр, хикәйә, мәҡәләләрҙе яҙма вариантта #Аманатжурналы#Башҡорттелекөнөдекабрь2021 хештегы аҫтында үҙегеҙҙең “Бәйләнештә”ге сайтындағы сәхифәгеҙҙә урынлаштырырға кәрәк.
Конкурстың маҡсаты – башҡорт телен һаҡлау, үҫтереү, яҡлау, данлау һәм популярлаштырыу. 1-11-се синыф уҡыусылары ҡатнаша ала.
Конкурс өс номинацияла – 1. Шиғыр; 2. Мәҡәлә, хикәйә; 3. Видеояҙма – барасаҡ. Һәр номинацияла өсәр урын булдырылды.
Конкурсҡа йомғаҡ 2021 йылдың 14 декабрендә, Башҡорт теле көнөндә яһаласаҡ.
Еңеүселәргә “Аманат” журналының Маҡтау билдәләре тапшырыласаҡ.
“Аманат” журналы мөхәрририәте.