“Алтын даға”
“Алтын даға” салаты күптәргә бик таныш. Ул – беҙ йыш ҡына дөгө менән краб таяҡсаларын ҡушып эшләгән салат.
Салат өсөн 250 г. краб таяҡсалары, дөгө, 1 һуған, 2 йомортҡа, 1 банка кукуруз, тоҙ, майонез кәрәк.
Дөгөнө бешерергә ҡуябыҙ. Шул арала бер нисә минут эсендә йомортҡаны ла бешерә һалып, һыуытып, турайбыҙ. Артабан краб таяҡсаларына күсәбеҙ. Тик уларҙы эре итеп турамағыҙ, сөнки салатҡа даға формаһын биреү ауырыраҡ була. Һуғанды ла ваҡлайбыҙ (әгәр лимон булһа, һуғанды уның һутында маринадларға ла мөмкин).
Ҙур һауытҡа бешеп һыуынған дөгөнө, кукурузды һәм алдан әҙерләп ҡуйған аҙыҡтарҙы һалып, майонез менән бутайбыҙ. Килеп сыҡҡан массаны ҙурыраҡ тәрилкәгә һалып, уны даға формаһына килтерәбеҙ. Даға өҫтөнә бер ҡат кукуруз йәйеп сығабыҙ.
“Алтын даға”ны йә борсаҡ, йә гранат емештәре, йә балан менән биҙәй алаһығыҙ! Табындарығыҙ тәмле һәм йәнле булһын!