Йылайырҙың район үҙәгендә, оҙаҡ осоуҙан хәлһеҙләнгән аҡҡошто табып алалар. Ул үҙенең өйөрөнән тороп ҡалған. Битараф булмаған кешеләр ярҙамында, аҡҡош әлеге мәлдә райондың ветеринария станцияһында. Ҡошто туҡландырғандар, табиптар ҡараған, йылы урынға урынлаштырғандар. Йәрәхәте юҡ. Осорлоҡ хәле булып, хәл йыйғас та уны иреккә сығарасаҡтар, тип хәбәр итә Йылайыр ветеринария хеҙмәте.
Үҙенең өйөрөн табып, йәйҙе ҡыуанып ҡаршылаһа ине аҡҡошҡай, тигән теләктә ҡалабыҙ.