Башҡортостанға аҡҡоштар ҡайтты
Тыуған төйәгенә йылы яҡтан аҡҡоштар ҡайта башланы.
Улар менән бергә тормошобоҙға йәм, күңелдәргә өмөт ҡайтты!
Төйәк иткән күлдәренә – аҡҡоштар ҡайтты.
Улар ҙа кешеләр кеүек үк үҙ илдәрен зарығып һағына. Йылғалар боҙҙан әрселеп бөтөр-бөтмәҫ, тыуған яҡтарына талпына.
Көйөргәҙе районы Ермолаево ҡасабаһында йәшәүсе халыҡ матур ҡошҡайҙарҙы Шотт паркында күргән.
Изге, яҡшы хәбәрҙәр генә алып килегеҙсе, ҡошҡайҙар!
Аҡҡоштар – башҡорттарҙа изге ҡош. Ҡоштарҙы һаҡлайыҡ!