«Салауат Юлаев» хоккейсыһы хөрмәтенә стипендия

Мифтахетдин Аҡмулла исемендәге Башҡорт дәүләт педагогия университетында «Салауат Юлаев» хоккейсыһы Родион Әмиров хөрмәтенә стипендия булдырылды. Уны Башҡорт дәүләт педагогия университетының колледж студенттары аласаҡ. Был хаҡта баш ҡаланың Киров районы хакимиәтенең матбуғат хеҙмәте хәбәр итте.

Родион Башҡорт дәүләт педагогия университетының Физик культура һәм кеше һаулығы институты студенты булған, шулай уҡ Аҡмулла колледжын тамамлаған.

Фото: https://vk.com/hcsalavat?z=photo-45995544_457359321%2Fwall-45995544_851483