Өфө ҡалаһының 161-се лицейы инициативалы бюждетлау проекттарының Башҡортостан Республикаһының муниципаль берәмектәрендә предуниверсарийҙар селтәрен үҫтереү буйынса конкурста еңде.
Бөгөн, Рәсәй студенттары көнө уңайынан, лицейҙа күптән көтөлгән “Технодонья” предуниверсарийы асылды. 161-се лицей Фән һәм технологиялар университеты менән “Технодонья” предуниверсарийы нигеҙендә хеҙмәттәшлекте нығытып, мәғлүмәт технологиялары өлкәһендә белем биреүҙе юғары кимәлгә күтәрергә уйлай.
Бындай предуниверсарийҙарҙың мөһимлеге шунда, 5-се синыфтан башлап лицейҙа төрлө йүнәлештә белем биреү ойошторолған һәм шуларҙың береһе – технологик. Бөгөнгө көндә мөғлүмәт технологиялары буйынса илебеҙгә көслө белгестәр кәрәк булыуын иҫәпкә алғанда бындай йүнәлеште үҫтереү бик тә кәрәкле.