Бөгөн -Халыҡ-ара китап бүләк итеү көнө!

Бөгөн -Халыҡ-ара китап бүләк итеү көнө! Әйткәндәй, был байрамды булдырыуҙы бер бала һорағаникән дә!

Өс бала әсәһе балалар китабы сайтын булдыра. Уның улы бер көн әсәһенән, “Әсәй, ниңә китап бүләк итеү көнө юҡ һуң”,- тип һораған. Китап яратҡан баланың һәм уның битараф булмаған әсәһенең инициативаһын миллиондарса кеше күтәреп алған. Һөҙөмтәлә, бөгөнгө байрам барлыҡҡа килгән дә инде.

Һуңғы биш йылда Рәсәйҙең 85 төбәге был байрамға ҡушылған. Төрлө ойошмаға миллиондан ашыу китап бүләк ителгән. Акцияның партнеры “Эшлекле линиялар” компанияһы бушлай 70 миллион самаһы китап ташыған.

Яҡын кешеләрегеҙгә китап бүләк итегеҙ!