Оҙон тәнәфес

Оҙон тәнәфес

Көн оҙонлоғо

Физика дәресендә уҡытыусы йылы менән һалҡындың ни икәнен аңлата, есемдәрҙең йылыла киңәйеүен, һыуыҡта ҡыҫылыуын әйтә. Миҫал килтерергә ҡушҡас, Ғәли һикереп тора:

– Ҡышын ниңә көндәр ҡыҫҡа? Сөнки хәҙер, көҙән, һауа һыуына башлай. Шуға көндәр ҡыҫҡара. Ә йәйен, һауа йылынғас, көндәр ҙә йәйелеп китә, бик оҙон була...

Ҡыйыҡ һөйләм

– Ағай мине ирештерә! – тип ошаҡлай әсәһенә Азаттың ҡустыһы.

– Улым, ниңә улай, ауыҙыңды ҡыйшайтып, үсекләшеп ултыраһың?

– Өйгә бирелгән эште үтәйем бит! – ти Азат. – Уҡытыусы тура һөйләмде ҡыйыҡ һөйләмгә әйләндерергә ҡушҡайны.