Өфөлә - "Дуҫлыҡ иле биҙәктәре"

– Халыҡ бейеүҙәре менән шөғөлләнгән балалар өсөн иң ҙур конкурс был. Осраҡлы килеп эләккән коллективтар юҡ. Һәм уның финалы республиканың төп сәхнәһендә быйыл дүртенсегә үтә, – тине “Башҡортостан” дәүләт концерт залы етәксеһе Вилдан Яруллин.

Бейеүселәр ике йәш төркөмөндә ярышты.  Сара йәш бейеүселәрҙе үҫтереү, халыҡ бейеүҙәрен популярлаштырыуҙы маҡсат итеп ҡуя. Был матур сараның партнеры булып "Лукойл" нефть-газ продукттары яуаплылығы сикләнгән йәмғиәте тора.

Абруйлы жюри ағзалары фекеренсә, был уникаль конкурс айырыуса иғтибарға лайыҡ, сөнки күп милләтле республиканың был ижад төрөн үҫтереү Рәсәй халыҡтарының бай мәҙәни мираҫын һаҡлауға хеҙмәт итә.

Республика балалар халыҡ хореографияһы фестиваль-конкурсының һайлап алыу турынан һуң жюри 2-се турға заявка биргән 23 коллективтан ике йәш категорияһында 15 коллективты һайлап алды. Иҫәп буйынса 4-се «дуҫлыҡ или биҙәктәре» Асыҡ Республика фестиваль-конкурсында Финалға Башҡортостан һәм Силәбе өлкәһе райондарынан, шул иҫәптән Салауат ҡалаһынан коллективтар үтте. Ике йәш категорияһында еңеүселәр «дуҫлыҡ или биҙәктәре» финал гала-концертында үҙҙәренең иң яҡшы хореография номерҙары менән сығыш яһаны. Фестиваль йомғаҡтары буйынса "Ағиҙел" өлгөлө хореография студияһы I дәрәжәле лауреат булды. Конкурсанттарҙы лайыҡлы уңыштары менән ҡотлайбыҙ, яңы ҡаҙаныштар, илһам һәм уңыштар теләйбеҙ!