Сибай ҡунаҡтарҙы ҡаршылай!

VI Бөтә Донъя фольклориадаһы сиктәрендә, сит ил ҡунаҡтары республика район һәм ҡалалары буйлап  үҙҙәренең дәртле йыр-моңдарын, бейеүҙәрен бүләк итә, халҡының мәҙәниәте менән таныштыра. Бөгөн Сибай ҡалаһында Албания, АҠШ, Коста-Рика, Ҡырғыҙстан, Черногория, Венгрия, Швейцария коллективтарының сығыш яһауы көтөлә.

Сибайҙағы мөһим сара ҡаланың Үҙәк майҙанында  көндөҙгө 14.00 сәғәттә Сибай концерт-берекмә ойошмаһының, "Ынйыҡай", "Миләш", "Яугел" халыҡ ансамблдәренең сығыштары менән башлана, һуңынан фестиваль ҡунаҡтарының сағыу концерттары көтөлә.