Кәрәк: уртаса бер ашҡабаҡ (кабачки) (250 г), 70 г дөгө ярмаһы, 1 йомортҡа, 10 г йәш укроп, тәменсә тоҙ, ҡара борос, ҡыҙҙырыу өсөн 2 ҡалаҡ үҫемлек майы.
Тәүҙә дөгөнө иҙелдермәй генә тоҙло һыуҙа бешереп алабыҙ. Ашҡабаҡты ҡырғыс аша үткәреп, һыуынан әҙерәк айырабыҙ. Шуға йомортҡа, укроп, тоҙ-боросто, бешкән дөгөнө өҫтәп, “кәтлит” итеп әүәләйбеҙ. Табала ҡыҙған майҙа ике яғын да 3-әр минут тирәһе ҡыҙҙырып, бешереп алабыҙ. Кәтлит әҙер!