Сибай балаларына диңгеҙ буйына йүнәлтмә бирелә

Радий Хәбиров: “Ҡырым башлығы Сергей Аксенов Сибайҙан 500 баланы ял йорттарына саҡырҙы”.

Бөгөндән башлап Сибай мәктәптәрендә уҡыусылар өсөн һөт бирелә башланы. Өлкәндәргә лә бушлай ярҙам күрһәтелә: уларға Ленин урамындағы 44-се йортта урынлашҡан “Башфармация” дарыуханаһында медицина битлектәре һәм активлаштырылған күмер таратыла.

Урал Аръяғының баш ҡалаһы һаналған Сибайҙы тетрәткән ғәҙәттән тыш хәл республика ҡунаҡтарын да битараф ҡалдырманы. Үткән аҙнала Башҡортостанға эш сәфәре менән килгән Ҡырым Республикаһы Башлығы Сергей Аксенов Сибайҙа йәшәүсе 500 балаға йүнәлтмә бирергә тәҡдим итте. Был йүнәлтмә уларға диңгеҙ буйында бушлай ял итеү мөмкинлеге бирәсәк.

Башҡортостан башлығын ваҡытлыса башҡарыусы Радий Хәбиров үҙенең сәхифәһендә: “Ҡырым башлығы Сергей Аксенов Сибайҙан 500 баланы ял йорттарына саҡырып, ҙур эш эшләне. Әммә халыҡтың ышанмауы, барыбер “блатной” етәкселәрҙең балалары ҡына барасаҡ, тип социаль селтәрҙәрҙә шау-шыу күтәреүе асыуға тейә. Беҙ иң тәүҙә медицина күҙлегенән сығып эш итәсәкбеҙ – ағыулы һауанан зыян күреүсе балалар араһында төрлөһө – ярлы ғаиләнән дә, бай ғаиләнән дә бар. Улар араһында чиновник балалары ла (улар ҙа бала бит!!!) булыуы мөмкин,” – тип яҙғайны.

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05