+12 °С
Ямғыр
Бөтә яңылыҡтар
Яңылыҡтар
2 Февраль 2019, 22:18
Башҡортостан мәктәптәрендә машинала йөрөргә һәм вальс бейергә өйрәтәсәктәр
«Үргәос» яңы мәғариф проекты эшләй башлай. Былюғары класс уҡыусыларын өлкәндәр тормошона әҙерләү өсөн кәрәк.
Фото интернеттан
«Үргә ос» яңы мәғариф проекты эшләй башлай. Был юғары класс уҡыусыларын өлкәндәр тормошона әҙерләү өсөн кәрәк. «Рулгә ултыр» модуленә ярашлы автомобиль йөрөтөү танытмаһын мәктәптә үк алырға мөмкин буласаҡ. «Бейе» иһә уҡыусыларға классик бейеүҙәрҙе үҙләштерергә ярҙам итәсәк. Бигерәк тә вальсты. Ниндәй сығарылыш кисәһе вальсһыҙ үтһен инде, шулаймы?
Өҫтә әйтелгәндәрҙән тыш бына тағы ниндәй модулдәр бар:
«Дөрөҫ туҡлан». Уҡыусыларҙы сәләмәт туҡланыу мәҙәниәтенә өйрәтеү өсөн уларға диетик аҙыҡтар менән махсус меню төҙөлдө.
«Иркен һөйләш». Уҡыусыларҙы инглизсә һөйләшергә өйрәтәләр. Грамматикаға һәм орфографияға ғына түгел, ә тап ошо телдә аралашырға.
«Спорт менән дуҫ бул». Уҡыусыларҙы төрлө спорт төрҙәре менән шөғөлләнеүгә йәлеп итергә уйлайҙар.
«Сәләмәт йылмайыу». Барлыҡ ҙур мәктәптәрҙә (800-ҙән ашыу уҡыусы) стоматология кабинеттарын асалар. Бәләкәйерәк мәктәп уҡыусылары стоматологка график буйынса йөрөргә тейеш.
«Шахмат уйна». Балаларҙың аҡыл һәләтен һәм логик фекерләүен үҫтереү өсөн.
Бынан тыш, «Үргә ос» проекты ғаиләне, тыуған яҡты, милли традицияларҙы, мәҙәниәтте өйрәнеү дәрестәрен, милли спорт төрҙәренә, робот техникаһына һәм IT-технологияларға ылыҡтырыуҙы үҙ эсенә ала.
Пилот этабында республика Мәғариф министрлығы 10-11 мәктәпте һайлап алып, уларҙа күләмле проектты һынай башлай.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05