-5 °С
Ҡар
Бөтә яңылыҡтар
Яңылыҡтар
6 Февраль 2019, 11:27
Сибайҙан 50 бала Башҡортостандың пульмонология шифаханаһына юлланды
Сибай карьерынан 500 метр алыҫлыҡта урынлашҡан йорттарҙа, «зона-500» тип йөрөтөлгән урында йәшәгән балаларҙың тәүге төркөмө шифаханаға юлланды.
Сибайҙан 50 бала 5 февралдә иртән Ишембай пульмонология шифаханаһына юлланды. Был турала муниципалитеттағы оператив кәңәшмәлә Сибай хакимиәте башлығы Рөстәм Афзалов хәбәр итте.
Балалар «ГАЗел»дәрҙә һәм Башҡортостан ЮХХДИ хеҙмәткәрҙәре оҙатыуында тәғәйенләнгән урынға — шифаханаға килеп етте.
Был — Сибай карьерынан 500 метр алыҫлыҡта урынлашҡан йорттарҙа, «зона-500» тип йөрөтөлгән урында йәшәгән балаларҙың тәүге төркөмө.
Ҡала халҡынан Башҡортостан шифаханалары буйынса 300-ҙән ашыу ғариза килде, тип билдәләне Сибай башлығы.
«Улар буйынса шөғөлләнербеҙ. Бынан тыш, «Танып» шифаханаһы етәксеһе «зона-500»-ҙән оло йәштәге 50 кешене бушлай ҡабул итергә әҙер. Юлламаларҙы 10 көнлөк өс өлөшкә бүлергә мөмкин, — тине Рөстәм Афзалов. — Ҡырым буйынса ғаризалар бик күп. Шуларҙан 261 ғариза әҙер. Беҙ оҙатыусылар (социаль хеҙмәткәрҙәр, медиктар) менән бергә 250-шәр кешелек ике заезд билдәләнек. Улар менән бергә бөтәһе 279 кеше. Мәсьәлә финанслау һәм транспорт буйынса тамамланыу алдында – республика фондында аҡса бар».
Сибай башлығы әйтеүенсә, баш тартыусылар ҙа бар – «зона-500»-ҙән 11 кеше Ҡырымдан да, Башҡортостан шифаханаларынан да баш тартты.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05