- Республикабыҙҙың 100 йыллығы уңайынан 19 мартта Милли музейҙа беҙ яңы экспозиция асабыҙ. Ә 20 март сәғәт 11.00 алып 18.00 тиклем “Асыҡ ишектәр көнө” үткәрелә. Музейға килеүселәр Граждандар һуғышына һәм Башҡортостандың төҙөлөүенә бағышланған яңы экспозициялар менән таныша ала. Быға тиклем күрһәтелмәгән хәрби форма, фото, архив материалдар, билдәле шәхестәрҙең тормошо менән таныша аласаҡ. Шулай уҡ был көндә музейҙа булған барлыҡ экспозицияларҙы ла бушлай ҡарарға мөмкин.