-14 °С
Болотло
75 лет Победы
Бөтә яңылыҡтар
Яңылыҡтар
19 Март 2019, 00:03

"Салауат Юлаев" тырышты

КХЛ-дың көнсығыш конференцияһы ярымфиналының өсөнсө уйынындағы еңеү - "Салауат Юлаев"тыҡы!

КХЛ-дың көнсығыш конференцияһы ярымфиналының өсөнсө уйыны бөгөн 18 мартта "Өфө-арена" боҙ һарайында "Салауат Юлаев" хоккейсыларына еңеү килтерҙе! Беренсе осор 0:0 менән тамамланһа, икенсе осорҙа Өфө командаһының һөжөмсөһө Владимир Ткачёв беренсе гол индерә. Өсөнсө осорҙа “Автомобилист” хоккейсыһы Александр Кучерявенко уйын иҫәбен тигеҙләй - 1:1. Овертаймда Йоонас Кемппайнен “Салауат Юлаев” хоккей командаһына еңеү алып килә.

Екатеринбургта “Салауат Юлаев” “Автомобилист” менән ике тапҡыр осрашты. Беренсе уйында 1:0 иҫәбе менән еңһә, икенсе осрашыуҙа 0:2 менән еңелде. Әле серияла иҫәп 2:1, юлаевсылар алда. Әйтергә кәрәк, серияла дүрт тапҡыр еңгән команда көнсығыш конференцияһының финалына үтәсәк.

Салауат - алға!

Киләһе осрашыу 20 мартта "Өфө-арена" боҙ һарайында 19.00 сәғәттә була.
Читайте нас в