Биш көнлөк уҡыуға күсеү башланды

1 апрелдән республика мәктәптәрендә биш көнлөккә күсеү башланды.

Февралдә булып үткән "Үргә ос!” Беренсе мәктәп белем биреү форумында Башҡортостан Башлығы вазифаһын ваҡытлыса башҡарыусы Радий Хәбиров мәктәптәрҙе биш көнлөк уҡыу программаһына күсерергә ҡушҡайны. Был тәҡдим форумда хуплау тапты һәм 1 апрелдән республика мәктәптәрендә биш көнлөккә күсеү башланды.

1 апрелдән баш ҡалалағы 20 мәктәптең 214 башланғыс синыфы биш көнлөккә күсте. Тағы ла һигеҙ мәктәптең бишенсе һәм алтынсы синыф уҡыусылары, Совет районындағы 8-се мәктәптең 5-11 синыф уҡыусылары ла ай башынан шәмбе көндө дәрестәрҙән азат ителде.

Өфө мэрияһының матбуғат хеҙмәте хәбәр итеүенсә, 1 апрелдән ҡалала бөтәһе 7 345 уҡыусы биш көнлөк уҡыу аҙнаһына күскән.

Апрель башынан 64 741 уҡыусы (55%) аҙнаһына биш көн уҡый. Уларҙың 54 364-е – 1-4 синыф уҡыусылары (100%). 5-9 синыф уҡыусылары – 9 495 кеше (8%), 10-11 синыфтар – 882 кеше(0,7%). 53 261 кеше (45%) аҙнаһына алты көн белем ала.

Бөгөн Өфөлә 128 мәктәп эшләй. 2019 йылдың 1 сентябренән Өфөнөң барлыҡ дөйөм белем биреү мәктәптәрендә биш көнлөккә күсеүҙе ойоштороу күҙаллана.

Читайте нас:

"Аманат"тың Телеграм-каналы

Рәхим итегеҙ!