+4 °С
Болотло
Бөтә яңылыҡтар
10
Яңылыҡтар
23 Май 2019, 13:55
Йәйге лагерь һәм шифаханаларҙа 390 меңдән ашыу бала ял итәсәк
Башҡортостанда йәйге һәм мәктәп эргәһендәге лагерҙарҙа, шифаханаларҙа 390 меңдән ашыу бала ял итәсәк.
Башҡортостанда йәйге һәм мәктәп эргәһендәге лагерҙарҙа, шифаханаларҙа 390 меңдән ашыу бала ял итәсәк (уҡыусыларҙың 83%-ы). Бының турала хөкүмәт кәңәшмәһендә һаулыҡ һаҡлау министры вазифаһын башҡарыусы Максим Забелин еткерҙе.
Быйыл йәй бөтәһе 2652 ойошма: 1407 мәктәп эргәһендәге лагерь, 110 ҡаланан ситтәге, 985 хеҙмәт һәм ял лагеры, 27 балалар шифаханаһы, 37 палаткалар лагеры, 85 профилле лагерь эшләйәсәк.
Балаларҙың һаулығын нығытыуға, йәйге ялын ойоштороуға 1 млрд 833 млн 770 мең һум аҡса бүленгән. Шуның 1,5 млрд һумы - республика бюджетынан, ә 272,2 млн һумы муниципаль бюджеттан.
Һаулыҡ һаҡлау министрлығы етәксеһе әйтеүенсә, төбәк ҡаҙнаһынан бер балаға юлламаның уртаса хаҡы 17 мең һумға барып баҫа.
Читайте нас:
