-18 °С
Болотло
75 лет Победы
Бөтә яңылыҡтар
Яңылыҡтар
11 Июнь 2019, 22:31

Профилле математиканан 100 балға 18 бала БДи тапшырған. Афарин!

Башҡортостандың Мәғариф министрлығынан республикала 18 уҡыусы профилле математиканы 100 балға яҙған, тип хәбәр иттеләр. Былтыр ошо фәндән йөҙ балл алыусылар өсәү ине.

Башҡортостандың Мәғариф министрлығынан республикала 18 уҡыусы профилле математиканы 100 балға яҙған, тип хәбәр иттеләр. Былтыр ошо фәндән йөҙ балл алыусылар өсәү ине.
Профилле математиканы бөтәһе 11 083 уҡыусы тапшырған. Иң күп балл йыйыусылар Өфөнән булып сыҡты - 11 уҡыусы, Стәрлетамаҡтан - 2, Октябрьскийҙан - 3, Нефтекаманан 2 ун беренсе класс уҡыусыһы имтиханды 100 балға яҙған.
Дөйөм алғанда, быйыл Рәсәйҙә профилле математика буйынса уртаса балл уҙған йылға ҡарағанда күпкә юғарыраҡ, тип белдерә Рособрнадзор. Хәтерегеҙгә төшөрәбеҙ, 2019 йылда математика буйынса имтихан өлөшөндә яңы ҡағиҙәләр ғәмәлдә. Ун беренсе кластар берҙәм дәүләт имтиханының бер генә кимәлен һайлаған — базалы йәки профилле. Уҙған йылдарҙа сығарылыш уҡыусыларының базалы һәм профилле кимәлдәрҙе тапшырыу мөмкинлеге бар ине.
Бынан алда агентлыҡ базалы математика, география һәм әҙәбиәт буйынса берҙәм дәүләт имтиханы һөҙөмтәләрен хәбәр итте. Өс меңдән ашыу кеше базалы математиканы «яҡшы» билдәһенә тапшырған. Әҙәбиәттән һынау тотоусылар араһында — ике, ә географиянан өс уҡыусы йөҙ балл йыйған.
27 майҙа илдә берҙәм дәүләт имтихандарының төп тулҡыны башланды. Имтихандар 1 июлгә тиклем бара. Башҡортостанда берҙәм дәүләт имтиханының төп осоронда 19 787 сығарылыш уҡыусыһы ҡатнаша.
Читайте нас в