+12 °С
Ямғыр
Бөтә яңылыҡтар
Яңылыҡтар
28 Август 2019, 02:13
Йәш ғалимдарға ниндәй ярҙам кәрәк?
“Фән” проекты бурыстарына ярашлы, ил етәксеһе Владимир Путин йәш ғалимдарҙы йәшәү урыны менән тәьмин итеү буйынса саралар эшләү бурысын ҡуйҙы.
“Фән” проекты бурыстарына ярашлы, ил етәксеһе Владимир Путин йәш ғалимдарҙы йәшәү урыны менән тәьмин итеү буйынса саралар эшләү бурысын ҡуйҙы.
Ельцин исемендәге Урал федераль университеты студенттары һәм аспиранттары менән осрашыуҙан һуң, уның һөҙөмтәләре нигеҙендә бирелде был күрһәтмә. “Юғары белем биреү ойошмаларының йәш ғилми-педагогик хеҙмәткәрҙәрен – фән кандидаттары һәм докторҙарын – йәшәү урыны менән тәьмин итеү өсөн шарттар булдырыуға йүнәлтелгән саралар әҙерләргә” тиелә документта. Уның үтәлеше буйынса доклад Президентҡа быйыл 1 октябргә тиклем еткерелергә тейеш.
Билдәле булыуынса, Башҡортостанда “Фән” милли проекты буйынса республика етәксеһе Радий Хәбировтың күрһәтмәһенә ярашлы, йәш ғалимдарҙы перспективалы ғилми эштәргә йәлеп итеү маҡсатында донъя кимәлендәге Фәнни-белем биреү үҙәге булдырыла. Шулай уҡ юғары уҡыу йорттары араһында кампус төҙөү планлаштырыла. Алдан иҫәпләүҙәр буйынса, был эшкә 11 миллиард һум талап ителәсәк. Проект үҙе аҡлаясаҡ, ти Өфө дәүләт нефть техник университеты ректоры Рәмил Бәхтизин.
“Инфраструктура мәсьәләһе – иң мөһимдәрҙең береһе, уңайлылыҡ булдырырға кәрәк. Шул саҡта төбәгебеҙ ылыҡтырғыс буласаҡ: беҙгә студенттар ҙа, квалификациялы белгестәр ҙә тартылып торасаҡ. Был проектты тормошҡа ашырыу юғары белем биреү учреждениеларының системалы проблемаларын (матди-техник хәл, студент ятаҡтарында урын етмәү һ.б.) яйға һалыу мөмкинлеген бирәсәк”, – тигән фекерҙә Рәмил Бәхтизин.
Автор: Д. ИШМОРАТОВА.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05