Ҡырымда башҡорт моңо, башҡорт бейеүе, башҡорт матбуғаты тантана итте.

"Мирас" йыр һәм бейеү ансамбле Ҡырым республикаһында гастрольдар менән йөрөп ҡайтты. Ҡайҙа ғына сығыш яһаманылар "Мирас"тар. Симферополь, Алушта ҡалалары, Белогорск, Симферополь райондары тамашасалары сағыу алҡыштар менән ҡаршы алды беҙҙең артистарҙы. Башҡортостандың 100 йыллығы уңайынан Ҡырымда беҙҙең республика милли баҫмаларын пропагандалау эше лә үткәрелде. Әйтергә кәрәк, "Аманат" журналын тамашасы ихтибар менән тикшерҙе, сөнки был баҫма доньяла үҫмерҙәр өсөн сыҡҡан берҙән бер баҫма. Башҡортостан милли матбуғат стендтарынада бер ҡасан да кеше өҙөлмәне.

Киләсәктә лә йөкмәткеле концерттар һәм милли баҫмаларҙы таратыуҙар ғәҙәти күренешкә әүрелер тине ҡырымлылар.

Юлай Ҡасимов