+12 °С
Ямғыр
Бөтә яңылыҡтар
Яңылыҡтар
8 Октябрь 2019, 10:50
"Был мәсьәләгә әлегә ҡәҙәр тейешле иғтибар булманы"
"Росатом"дың Йәмәғәт советы “Экология” милли проекты буйынса эштәрҙең тәүге һөҙөмтәләрен ҡараны.
"Росатом"дың Йәмәғәт советы “Экология” милли проекты буйынса эштәрҙең тәүге һөҙөмтәләрен ҡараны. Был хаҡта Башҡортостандың Тәбиғәттән файҙаланыу һәм экология министрлығы рәсми сайтында хәбәр ителә.
Милли проекттың “I һәм II класс хәүефле ҡалдыҡтар менән эш итеү өсөн инфраструктура” федераль проектын тормошҡа ашырыу буйынса беренсе һөҙөмтәләр “Росатом” дәүләт корпорацияһы Йәмәғәт советының экология буйынса комиссияһы ултырышында тәҡдим ителде.
Ойошманың дәүләт һәм тармаҡ программаларын ғәмәлгә ашырыу буйынса йүнәлеш директоры Андрей Лебедев һүҙҙәренсә, мәсьәләләрҙең ике комплексы хәл ителә: I-II класс хәүефле ҡалдыҡтар менән эш итеүгә идара һәм контроль системаһын булдырыу, базалы инфраструктура формалаштырыу.
Әлегә ҡануни һәм норматив база әҙерләнгән, уның буйынса федераль оператор институты индерелә. Асылда, “берҙәм тәҙрә” принцибы булдырыла: баҙарҙа ҡатнашыусылар берҙәм контрагент менән эшләй аласаҡ. Шул уҡ ваҡытта дәүләт мәғлүмәт системаһы төҙөлөргә тейеш. Уның ярҙамында I-II класс хәүефле ҡалдыҡтар менән эш итеүҙең берҙәм федераль схемаһы формалаштырыласаҡ.
“Беҙҙең илдә оҙаҡ йылдар ҡалдыҡтар проблемаһына тейешле иғтибар бирелмәне. Ниһайәт, “Экология” милли проектына ярашлы был хәл үҙгәрә, киләсәктә юғары кимәлдә алып барыласаҡ. Был йәһәттән яңы комплекстар булдырыу яңы эш урындары асыу мөмкинлеге, экологик сәнәғәтте үҫтереүгә этәргес бирәсәк”, – ти тармаҡ белгестәре.
Билдәле булыуынса, “Экология” милли проекты шундай бүлексәләрҙән тора: “Таҙа ил”, “Ҡаты коммуналь ҡалдыҡтар менән эш итеүҙең комплекслы системаһы”, “I-II класлы хәүефле ҡалдыҡтар менән эш итеү өсөн инфраструктура”, “Таҙа һауа”, “Таҙа һыу”, “Волганы таҙартыу”, “Уникаль һыу объекттарын һаҡлау”, “Байкал күлен һаҡлау”, “Биологик төрлөлөктө һәм экологик туризмды һаҡлау”, “Урмандарҙы һаҡлау”, “Иң яҡшы уңайлы технологиялар индереү”.
Тотош Рәсәйҙә был милли проектты тормошҡа ашырыу өсөн 4 триллион 41 миллиард һум бүлеү планлаштырылған.
Автор: Д. ИШМОРАТОВА.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05