Мәктәп уҡыусыһының картинаһы Третьяков галереяһы күргәҙмәһенә ҡуйылды
Өфө ҡыҙы 16 йәшлек Асия Моратованың быйылғы көҙгө каникулы иҫтәлекле булды. Мәскәүгә саҡырылыуы ла осраҡлы булманы: “Поколение М” проекты сиктәрендә йәш рәссамдарҙың интернет-бәйгеһендә еңә уҡыусы.
Баш ҡала буйлап экскурсия, бүләкләү, күргәҙмә асыу тантаналарында ҡатнашыу кеүек күңелле ваҡиғаларға бай була Асияның Мәскәүгә сәйәхәте.
Рәсәйҙең милли сәнғәте музейы – Дәүләт Третьяков галереяһында Асия Моратованың эше күрһәтелгән. Бындай мөмкинлекте “М поколение” белем биреү-хәйриә проектын уйлап табыусы МТС компанияһы Бөтөн Рәсәйҙән тағы ла 18 балаға бүләк итте.