+12 °С
Ямғыр
Бөтә яңылыҡтар
Яңылыҡтар
14 Ноябрь 2019, 21:05
“Туған телемә – йөҙ аҙым” акцияһы асыҡ тип иғлан ителде
Бөгөн Әхмәт-Зәки Вәлиди исемендәге Милли китапханала "Туған телемә – йөҙ аҙым" акцияһы башланды.
.Бөгөн Әхмәт-Зәки Вәлиди исемендәге Милли китапханала "Туған телемә – йөҙ аҙым" акцияһы башланды.
Проектты бойомға ашырыу идеяһын Башҡортостан Республикаһының Дәүләт йыйылышы – Ҡоролтай тәҡдим итте. Бөгөн үткән түңәрәк өҫтәлдә Балаларҙы һәм йәштәрҙе китап уҡырға йәлеп итеүгә, туған телдә баҫылған әҙәби әҫәрҙәргә ҡарата һөйөү уятыуға йүнәлтелә ул.
Мәктәп уҡыусыларына, талиптарға, китапханаға йөрөүселәргә башҡорт әҙәбиәтендә танылыу яулаған 100 әҫәр тәҡдим ителә. Исемлек менән http://bashnl.ru/upload/1/1-%D0%BA%D0%BE%D0%BD%D0%B2%D0%B5%D1%80%D1%82%D0%B8%D1%80%D0%BE%D0%B2%D0%B0%D0%BD.pdf һылтанмаһы аша танышырға була.
Башҡортостан Республикаһының Дәүләт йыйылышы — Ҡоролтайы рәйесе Константин Толкачев проектты асыуға арналған түңәрәк өҫтәл барышында: “Беҙҙең республикабыҙ әҙәбиә традицияларға, яҙыусыларға һәм шағирҙарға бик бай. Әленән-әле яңы исемдәр балҡып тора, заманса әҫәрҙәр донъя күрә, повестар, романдар баҫыла. Шуға ла китап һөйөүселәр менән күберәк осрашыуҙар үткәрергә, дискуссиялар ойошторорға кәрәк. Халыҡ баҫма әҙәбиәткә яҡыныраҡ булһын ине”, - тине.
Шулай уҡ Константин Борисович үҫмерҙәр һәм йәштәр араһында күпселектең бөтөнләй китап уҡымауы, шул сәбәпле үҙҙәренең фекерҙәрен аныҡ ҡына еткерә алмауы тураһында ла әйтте.
“Туған телемә – йөҙ аҙым” акцияһына киң мәғлүмәт сараларының, белем усаҡтарының, китапхана, театрҙар, йәмәғәт йошмаларының, республикала йәшәүсе һәр ғаиләнең әүҙем ҡушылыуы мотлаҡ” – тине ул.
Башҡортостан Яҙыусылар союзы рәйесе Зәки Әлибаев: “100 – ул шартлы һан. Кемдер 200 әҫәр уҡый, кемдер – тағы ла күберәк. Исемлеккә индерелгән 100 әҫәрҙе уҡыған кешене ысынлап та башҡорт әҙәбиәте менән таныш тип әйтергә була. Сөнки уларҙа – башҡорт теленең гүзәллеге, халыҡ яҙмышы, тормошо тураһында мәғлүмәт ярылып ята”.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05