+13 °С
Болотло
Бөтә яңылыҡтар
Яңылыҡтар
24 Декабрь 2019, 11:20
Учалыла “Һөт кухняһы” асылды
Яңы пункт ҡаланың Әхмәтғәлин урамында дәүләт дарыуханаһы эргәһендә урынлашҡан.
“Демография” милли проектының “Башҡортостанда граждандарҙы сәләмәт йәшәү рәүешенә йәлеп итеү системаһын формалаштырыу, шул иҫәптән сәләмәт туҡланыу һәм зарарлы ғәҙәттәрҙән баш тартыу” төбәк проектына ярашлы Учалы ҡалаһында “Һөт кухняһы” асылды.
Яңы пункт Әхмәтғәлин урамында дәүләт дарыуханаһы эргәһендә урынлашҡан. Һөт, ҡатыҡ, эремсек, йогурт һәм башҡа тәбиғи продукция әлегә Стәрлетамаҡ ҡалаһының һөт фабрика-кухняһында етештерелә һәм аҙнаһына ике тапҡыр Учалыға килтерелә.
Бындай һөт фабрика-кухняһы тиҙҙән Белоретта ла эшләй башлаясаҡ. Бүлексә асылыу менән продукция күрше райондан ҡайтартыласаҡ.
"Беҙҙең продукция башҡа етештереүселәрҙекенән шуныһы менән өҫтөн: уларҙың составында ҡушымталар, консерванттар, төрлө буяуҙар юҡ. Шуға күрә уның һаҡлау ваҡыты ла ҡыҫҡа", - ти Белорет ҡалаһындағы “Һөт кухняһы” бүлексәһе мөдире Евгений Юхин.
Һөт кухняһы ризыҡтары менән уртаса килем йәшәү минимумынан кәм тәшкил иткән ғаиләләрҙә үҫкән алты айҙан өс йәшкә тиклемге балалар бушлай тәьмин ителәсәк.
Фото: Учалы районы хакимиәте сайтынан.
Автор: Римма Султанова
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05