“Ҡош юлы” балаларҙы саҡыра

“Тамыр” балалар һәм үҫмерҙәр телеканалында барған “Ҡош юлы. Балалар” проектын күптәр үҙ итеп өлгөрҙө.

“Тәүге ике миҙгелдә күп сағыу йондоҙҙар балҡыны! Быйыл да көслө, талантлы, рухлы дуҫтарыбыҙҙы көтөп ҡалабыҙ! Рәхим итегеҙ!” - тип өндәшә телеканалал етәкселеге һәм бәйгене ойоштороп, алып барыусы команда.

Әлеге ваҡытта тамашасыларҙың һорауы буйынса балалар проектына ғаризаларҙы ҡабул итеү ваҡыты 9 февралгә тиклем оҙайтылған.
Конкурста ҡатнашыу өсөн шарттар түбәндәгесә:

- Ҡатнашыусы мәктәп уҡыусыһы (йәки уҡыусыларҙың тиңдәше) булырға тейеш;
- Ғаризаларҙы видео форматында "ҠошЮлы" төркөмөнөң махсус видеояҙмалар альбомына һалырға.
- Ҡатнашыусы мотлаҡ үҙе гитарала уйнап, башҡорт телендә йырларға тейеш. Өҫтәмә музыкаль ҡоралдар ҡулланыу һәм ярҙамсылар ҡушылыуы мөмкин.

Икенсе этапҡа һайлап алыу туры буласаҡ!

Фото: “Тамыр” балалар телеканалы.