Йөҙөү тормош мәшәҡәттәренән арынырға, тынысланырға, эске көсөргәнеште бөтөрөргә һәм хатта ябығырға ярҙам итә.
Шуға был спорт төрө менән шөғөлләнеү – үҙе бер кинәнес. Тап бына ошо спорт төрө буйынса 6 мартҡа тиклем Салауат ҡалаһында үҫмерҙәр араһында республика “Шаян дельфин” беренселеге үтә. Унда был спорт төрө буйынса иң көслө спортсылар ҡатнаша.
Был сара “Демография” милли проектының “Спорт – йәшәү нормаһы” проекты сиктәрендә тормошҡа ашырыла. Ошондай ярыштарҙы үткәреү кәрәк, сөнки улар ярҙамында ил күләмендәге чемпионатта ҡатнашыусылар асыҡлана, тәжрибә туплана һәм оҫталыҡ арта.