-22 °С
Болотло
75 лет Победы
Бөтә яңылыҡтар
Яңылыҡтар
23 Март 2020, 12:14

ТАСС проекты: "Владимир Путинға 20 һорау"

Рәсәй Президенты менән әңгәмә рәүешендә эшләнгән проект бик ҡыҙыҡлы ғына.

Рәсәй Президенты менән әңгәмә рәүешендә эшләнгән проект бик ҡыҙыҡлы ғына. ТАСС агентлығы журналисы, 20 һорау, тигән һылтау менән ил башлығын бик күп темаға һөйләндерҙе. "Һеҙ беҙҙең менән мәңгелеккәме?" - тип тә һораны.
- Әгәр һеҙ теләһәгеҙ... Алда ваҡыт күп әле, - тип ҡыҫҡа яуап менән ҡотолмаҡсы булғайны ла Владимир Владимирович, юҡ, әңгәмәсеһе бигерәк ныҡыш, йәнәһе бынан (аҫтан инде) насар күренә, һеҙ өҫтән һәйбәтерәк күрәһегеҙҙер, ниндәй горизонттар асыла, тип тағы-тағы һорауҙар биреп тик ултыра.
- Кешенең кәйефенән һәм теләгенән күренә, - тине Путин.
- Кешегә билдәһеҙлек оҡшамай, беҙгә билдәлелек кәрәк, - ти йәнә Андрей Ванденко.
- Элиталарҙың нервылары тыныс түгелдер, - тип төрттөрә Президент.
- Ҡалығыҙ, - ти журналист.
- Әлегә минең яуабым юҡ - ти Путин.
Ысынлап та, әле дүрт йыл бар ҙа инде. Ниңә улай юҡ-бар һорау менән ил башлығының ваҡытын алырға? Башҡа мөһимерәк мәсьәләләр ҙә бар бит.
- Һеҙгә, батша, тигәндәрен нисек ҡабул итәһегеҙ? - тип һораны Ванденко әфәнде.
- Был ысынбарлыҡҡа тап килмәй. Башҡа берәүҙе "царь" тиергә булалыр, бәлки. Мин бит көн һайын эшләйем, ә батшалыҡ итмәйем. Батша ул өҫтән генә ҡарап ултыра, бойороҡтар бирә. Ә үҙе көҙгөгә ҡарап, кәпәсен йүнәткеләй генә. Мин көн һайын эшләйем...
Бына шулай. Үҙ илендә эшләгән кешенән көлөп маташалар.
Фото: ТАСС.
Яңылыҡ авторы: Алһыу Ишемғолова
Читайте нас в