Яҙғы каникул оҙайтылды

Әммә уҡыусылар ҡасан да булһа ғәҙәттәгесә мәктәпкә йөрөрмө-юҡмы – был һорауға яуап әлегә юҡ.

Радий Хәбиров уҡыусыларҙың яҙғы каникулы 6 апрелгә тиклем оҙайтылыуы тураһында хәбәр итте. Был ҡарар Владимир Путиндың илдә коронавирустың таралыуына юҡ ҡуймау өсөн Рәсәйҙә киләһе аҙнаны ял аҙнаһы тип иғлан итеүенән һуң ҡабул ителде.

Әле кисә генә Башҡортостандың мәғариф һәм фән министры Айбулат Хажин, мәктәптәрҙә каникул 1 апрелдә бөтәсәк, республиканың бөтөн мәктәптәре 100% дистанцион уҡыясаҡ, ә дәрестәр 30 минутҡаса ҡыҫҡартыласаҡ, тип иғлан иткәйне. Бөгөн иһә Радий Фәрит улыҙ “Каникулды оҙайтабыҙ. Әлбиттә, уҡыусыларҙың урамда йөрөүенә юл ҡуймаҫҡа кәрәк. Аҙна буйына ата-әсәләр өйҙә булғас, балалары менән аралашһын”, - тине.

Балалар баҡсаларында киләһе аҙнала ата-әсәләре эшләгән кескәйҙәр өсөн махсус төркөмдәр булдырыласаҡ (Путин әйтеүенсә, 30 марттан 5 апрелгәсә табиптар, аҙыҡ-түлек кибеттәре һатыусылары, фармацевтар, полиция һәм юл-төҙөлөш хеҙмәткәрҙәре өҙлөкһөҙ эшләйәсәк).

Юғары һәм урта белем биреү йорттары ла (республикала барлығы – 96 колледж) дистанцион уҡыу формаһына күсте.

Дистанцион уҡытыуға күсеү буйынса “ҡыҙыу линия” телефоны: +7 (347) 292-11-52.

Фото "Башинформ" МА сайтынан алынды.

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05