+12 °С
Ямғыр
Бөтә яңылыҡтар
Яңылыҡтар
28 Май 2020, 10:43
Райондың һәр ауылынан балалар шөғөлләнәсәк
Тәбиғәттең ниндәй миҙгеле – һалҡын ҡышмы, ҡояшлы яҙмы, эҫе йәйме, әллә алтын көҙмө – һыуҙа балыҡтай йөҙөүгә ни етә?!
Тәбиғәттең ниндәй миҙгеле – һалҡын ҡышмы, ҡояшлы яҙмы, эҫе йәйме, әллә алтын көҙмө – һыуҙа балыҡтай йөҙөүгә ни етә?! Тиҙҙән көйөргәҙеләр ошо бәхеткә һөйөнәсәк. Райондың Ермолаевка ауылында 25 метр оҙонлоғондағы йөҙөү бассейны сафҡа индереләсәк.
Төҙөлөш эштәре 2018 йылдың көҙөндә үк башланғайны. Объекттың дөйөм хаҡы - 100 миллион һумдан саҡ ҡына күберәк. Бассейн төҙөүҙең заказсыһы – Башҡортостандың Капиталь төҙөлөш идаралығы, генераль подрядсыһы – “ГК Прогресс” яуаплылығы сикләнгән йәмғиәте.
Спорт объектының дөйөм майҙаны 1,6 меңдән ашыу квадрат метрҙы тәшкил итә. Проектҡа ярашлы, 25 метр оҙонлоғондағы дүрт “юл” ҡаралған. Ул сәғәтенә 40 кешене хеҙмәтләндереү ҡеүәтенә эйә.
Шуныһы һөйөнөслө: бинала вестибюль, гардероб, инструкторҙар (тренерҙар), табип, дежур шәфҡәт туташы, хеҙмәткәрҙәр өсөн бүлмәләр, һыу анализын алыу өсөн лаборатория, санитар-көнкүреш, техник биналар урынлашасаҡ.
27 майға тиклем бассейн бинаһында эске эштәрҙең 95 проценты атҡарылған. Газ, һыу, ут, элемтә бәйләнеше – барыһы ла тоташтырылған. Әле төп эш – биләмәне төҙөкләндереү – ҡалған. Шулай итеп, бордюрҙар ҡуйыла, асфальт түшәлә һәм шаҡмаҡлап ҡырҡылған таш һалына.
– Районыбыҙ өсөн был – өр-яңы һәм оҙаҡ көтөлгән объект, – ти Көйөргәҙе районы хакимиәте башлығы Юлай Ильясов. – Объекттың тапшырылыуын түҙемһеҙләнеп көтәбеҙ. Районыбыҙҙың һәр ауылынан балалар бында шөғөлләнәсәк.
Бассейн йыл аҙағында файҙаланыуға тапшырылыр, тип көтөлә. Хәтерегеҙгә төшөрәбеҙ: был ил Президенты Владимир Путин ҡул ҡуйған Указға ярашлы, “Демография” милли проектының “Спорт – йәшәү нормаһы” проекты ярҙамында мөмкин булды.
Фото: Көйөргәҙе районы хакимиәте.
Автор: Айһылыу Низамова
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05